Јованка Тренчевска: Детската заштита останува приоритет во нашата работа

Министерката за труд и социјална политика, Јованка Тренчевска се сретна со Биљал Касами, градоначалникот на Oпштина Тетово. На средбата се разговарало за детската заштита и важноста од проширување на капацитетите на постоечките градинки како и изградба на нови со цел згрижување на што повеќе деца во градинките и овозможување правилен раст и развој.

Градоначалникот, претставниците на Општина Тетово и министерката ги разгледаа потребните чекори за завршување на изградениот објект – клон на градинката „Младост“ во Тетово финансиран од Европската Унија.

Тренчевска истакна на средбата дека изградбата на нови градинки е од особена важност за да се опфатат и вклучат што поголем број на деца во предучилишното образование.