Ќе дадеме се од себе за победа против баварците, вели Донарума!

Голманот на Париз Сент Жермен, Џанлуиџи Донарума изрази разочарување по поразот од Олимпик Марсеј со 1:2 во осминафиналето од Купот на Франција. Сепак, Италијанецот се надева на консолидирање на тимот и успешен настап против Баерн Минхен во Лигата на шампионите.

– Ја знаевме силата на Олимпик Марсеј и очекувавме токму таков натпревар. Тоа е многу агресивен тим кој врши притисок. Деталите се важни. Разочарани сме и лути затоа што сакавме да го освоиме овој трофеј. Добро се подготвувавме цела недела и знаевме дека Олимпик Марсеј ќе игра така. Но, сепак ни беше тешко да ја задржиме топката. Тоа е една од главните работи во кои треба да се истакнувате кога се соочувате со тим кој игра вака. Во вториот дел успеавме да одиграме подобро, но не можевме да ја промениме ситуацијата. Сега треба да ги кренеме главите и да размислиме за саботниот натпревар против Монако. Секоја натпревар има своја приказна. Во моментов треба добро да се подготвиме за натпреварот против Монако и потоа да размислуваме за Баерн Минхен, но секој натпревар има своја приказна. Знаеме дека темелно ќе се подготвиме за Лигата на шампионите. Ќе направиме се за да го поминеме  Баерн и да се пласираме во четвртфиналето, го цитира „Л’Екип’ Донарума.

Првиот натпревар од осминафиналната пресметка меѓу ПСЖ и Баерн Минхен ќе се игра на 14 февруари во Париз.