ВИДЕО: Патнички авион се судри со хеликоптер во Вашингтон
Неколку минути пред планираното слетување, контролорите на летање го прашале авионот што доаѓал дали може да слета на пократката писта на аеродромот, објави новинската агенција Асошиетед прес.
Пилотите одговориле дека можат и контролорите му дозволиле на авионот да слета на пистата 33. На помалку од 30 секунди пред судирот, контролорот го прашал пилотот на хеликоптерот дали може да го види авионот.
Контролорот направи уште еден повик до хеликоптерот неколку моменти подоцна. Сепак, дошло до судир.
Податоците пренесени од транспондерот на авионот пред падот покажаа дека авионот во моментот на судирот се наоѓал на височина од околу 120 метри и се движел со брзина од 225 километри на час.
Властите во американската престолнина вршат истрага откако синоќа во воздух се судрија помал патнички авион на „Американ Ерлајнс“ и воен хеликоптер.
Сударот се случил во близина на главниот аеродромот во Вашингтон, а делови од воздухопловите паднале во реката Потомак, јавија американските медиуми.
Се дознава дека во патничкиот авион Bombardier CRJ70 носел 60 патници.
Washington’da bir yolcu uçağı havada bir Black Hawk helikopteriyle çarpışarak Potomac Nehri'ne düştü.
— 𝓔𝓑𝓡-𝓲 𝓝𝓲𝓢𝓐𝓝 (@_khkmagduru_) January 30, 2025
Çok sayıda can kaybı olduğu bildiriliyor.
————–#Washington #planecrash #SonDakika #yabanciortahakem #TRUMP #ViratKohli𓃵 #PertegasHukumIndonesia pic.twitter.com/oDlN3M7W5b
-Има жртви, изјави доцна синоќа Тед Круз, сенатор од Тексас, пренесе Волстрит џурнал. Според претставници од авиоиндустријата и владата, во авионот имало 60 патници и четворица членови на екипажот. Во воениот хеликоптер Black Hawk се наоѓале три лица.
Сударот се случил некаде пред 21 часот локално време, моменти пред слетувањето на патничкиот авионот. Леталата се урнале во реката Потомак.
🚨 #BREAKING: A plane has crashed into a helicopter while landing at Reagan National Airport near Washington, DC
— Nick Sortor (@nicksortor) January 30, 2025
Fatalities have been reported, a MASSIVE search & rescue operation is happening in the Potomac River
Witnesses reported seeing a “massive crash” and hearing a loud… pic.twitter.com/GtSiWjUWn0
За инцидентот бил информиран и претседателот Доналд Трамп.
-Господ нека ги благослови нивните души. Благодарност за неверојатните напори на нашите екипите за итна помош. Ја следам ситуацијата и ќе споделам повеќе детали кога ќе станат достапни, изјави Трамп.
Националниот аеродромот „Роналд Реган“ во Вашингтон поради инцидентот синоќа беше затворен. На местото на несреќата можеа да се видат неколку десетици возила на службите за брза помош.
