САД го комплетираа најлошиот дрим-тим за настап на кошаркарскиот Мундијал

Репрезентацијата на САД ќе игра не со најдобриот или вториот, туку можеби со третата или четвртата најдобра селекција која може да се направи во моментов, покажувајќи дека не се премногу заинтересирани за Мундобаскетите.

Челниците на нивната репрезентација денес го објавија списокот на целата репрезентација, во која нема буквално ниту една НБА ѕвезда.

Бекот на Њујорк никс, Џош Харт, е последните кошаркар кој доби повик за настап на СП, со што им се приклучи на претходно ангажираните Тајрис Халибуртон, Џејлен Брансон, Ентони Едвардс, Остин Ривс, Микел Бриџис, Кем Џонсон, Брендон Инграм, Паоло Банкеро, Џерен Џексон јуниор, Боби Портис и Вокер Кеслер.

Најдобриот светски собир почнува на 25 август, а ќе заврши со финалето на 10 септември во Манила.