Екс командантот Петар Павел е најсериозен кандидат за претседател на Чешка

Прозападниот Петар Павел, кој ја поддружа помошта за Украина за време на напливачката руска инавазија го мина првиот круг од чешките претседателски избори со огромна предност пред екс премиерот Андреј Бабиш додека чесите влегуваат во вториот круг од гласањето за нов претседател.

Пензионираниот генерал Павел (61) се кандидираше како независен кандидат и има поддршка од централно-десничарската чешка влада.

Чешките претседатели немаат многу секојдневни овластувања, но тие избираат премиери и гувернери на централните банки, имаат право на глас во надворешната политика, моќни креатори на мислење се и можат да влијаат на владината политика.

Се проценува дека Павел има десет пати поголеми шанси да победи од милијардерот Бабиш, а водеше во најновите истражувања на јавното мислење објавени во понеделникот.

Гласањето започнува денеска во 14 часот, а завршува утре во 14 часот. Резултатите се очекуваат нешто подоцна.

Павел се пријавил во армијата за време на комунистичката ера кога Прага беше дел од Варшавскиот пакт предводен од Советскиот Сојуз и беше одликуван за неговото учество во мировните операции во поранешна Југославија во 1990-тите. Тој се искачи на рангот на командант на чешкиот Генералштаб и служеше како претседател на Воениот одбор на НАТО три години пред да се пензионира во 2018 година.

Бабиш (68) е деловен магнат во секторот на хемикалиите, храната, земјоделството и медиумите, кој беше премиер од 2017 до 2021 година. Тој рече дека ќе понуди да посредува во мировните разговори и сугерираше дека Павел, како поранешен војник, може да ја вовлече Чешка во војна. Павел ги отфрли обвинувањата нарекувајќи ги „бесмислици“.

Андреј Бабиш е поддржан од претседателот во заминување Милош Земан, кој се залагаше за поблиски врски со Кина и Русија додека Русија не ја нападна Украина.