ВМРО-ДПМНЕ: Наќе Георгиев и Иџет Мемети се пример зошто е потребно распуштање на Судскиот и Советот на јавни обвинители
Наќе Георгиев и Иџет Мемети се пример зошто е потребно распуштање на Судскиот и Советот на јавни обвинители. Едниот близок до Заев и Филипче, другиот до Ахмети, велат од ВМРО-ДПМНЕ
Наќе Георгиев кој призна вина дека примил поткуп за да ублажи казна затвор, во време на СДСM и ДУИ од обичен судија стана Врховен судија и член на Судскиот совет. Додека тој растеше во судската хиерархија судија стана и неговиот син, а сопругата му е јавен обвинител.
Наќе Георгиев ја злоупотребил позицијата се впуштил во штелување на судски пресуди.
Иџет Мемети беше заменик претседател на Советот на јавни обвинители за време на СДСM и ДУИ, тој му помогнал на Наќе Георгиев да издејствуваат помала казна за Боро Cтојчев (Марлборо).
И Наќе Георгиев и Иџет Мемети одлучувале за судии и обвинители, унапредувале и санкционирале. Какви се постапките кои овие двајца корумпирани функционери ги влечеле и уште колку неправди нанеле?
Корумпираноста која ја гледаме преку Наќе Георгиев и Иџет Мемети е причината зошто е потребно распуштање на Судскиот совет и Советот на јавни обвинители, само така ќе се врати вербата на народот во судството, стои во соопштението.
