Познат распоредот за новата сезона во НБА лигата
Новата сезона во НБА лигата да ја отворат им припадна на кошаркарите на Бостон Селтикс и Њујорк Никс и тоа на 22 октомври, а потоа Лос Анџелес Лејкерс ќе се сретне со Минесота Тимбервулфс.
Во првиот натпревар од вечерта, актуелните шампиони ќе ги добијат шампионските прстени.
Редовниот дел од сезоната ќе трае до 13 април, плеј-инот од 15 до 18 април, додека најважниот дел, плеј-офот ќе започне на 19 април.
Исто така, второто издание на новосоздадениот НБА куп ќе се одржи од 12 ноември до 17 декември.
