Македонскиот маратонец Дарио Ивановски денес трча на Олимписките Игри

Маратонецот Дарио Ивановски денес ја претставува Македонија на Олимписките игри трчајќи го маратонот на 42 километри.

Ивановски во Париз ќе се обиде да го подобри неговото најдобро време од 2:08:26, остварено оваа сезона, што е и национален рекорд во маратон.

Овој рекорд тој го постави во Севиља во Шпанија во февруари оваа година. Олимпискиот рекорд во маратон го држи Самуел Камау Ванџиру од Кенија и изнесува 2:06:32 поставен на игрите во Пекинг, додека светскиот рекорд го држи друг Кениец, Келвин Киптум и изнесува 2:00:35 поставен во октомври минатата година во Чикаго.

Важно е да се напомене дека Ивановски во последните 10 дена бил 2 пати избран за случајна допинг контрола.