Стојанче Ангелов: Авионите за гасење пожар се или неисправни или нема пилоти да пилотираат со нив
Авионите за гасење пожар се или неисправни или нема пилоти да пилотираат со нив, информира директорот на ЦУК, Стојанче Ангелов.
Територијалните единици за противпожарна заштита имаат недоволно возила, но и тие кои им се на располагање се стари со децении.
Во вакви услови Македонија ја дочекува новата сезона на пожари.
Директорот на ЦУК Ангелов се надева дека новата влада ќе ги реши овие но и уште еден приоритетен проблем кога станува збор за справување со пожарите, а тоа е блокираната смета на ЈП „Национални шуми“ кои секогаш се на првите линии на огнот.
