Милошоски: Не е спорно што министерот на заминување Бујар Османи се жали пред дел од странските амбасадори, спорно е што си ја кодоши сопствената држава

Не е спорно што министерот на заминување Бујар Османи се жали пред дел од странските амбасадори за тоа дека ДУИ станала непожелен субјект на политичката сцена. Спорно е што министерот си ја кодоши сопствената држава и што тоа го прави во МНР, која како државна институција не е местото за вакви субјективни партиски поплаки., напиша Антонијо Милошоски на својот фесјбук профил.

– На партиските поплаки местото им во партиското седиште на ДУИ. Или можеби во седиштето на ОБСЕ, каде токму Бујар Османи до вчера ја убедуваше целата домашна и меѓународна јавност дека сите институции се комплетно спремни за организирање на “европски” фер и демократски избори, додава Милошоски.