Вучиќ го свикува Советот за безбедност поради нападот во Москва

Претседателот на Србија Александар Вучиќ за денеска најави состанок на Советот за национална безбедност во врска со терористичкиот напад кај Москва.

Вучиќ за телевизијата Прва изјави дека „имал неколку причини за свикување на седницата на Советот за безбедност, а ова е непосредна причина“.

Тој изрази сочувство за жртвите од нападот во концертната сала во Москва и изјави дека „светот е се поблиску до голем конфликт“.

Во терористичкиот напад кај Москва, во Крокус Сити Хол потврдени се 60 жртви, а повеќе од 140 се ранети.