Докторка во Германија доби отказ, ја напуштила работата 28 минути порано

Cojyзна Република Германија се споменува како ветена земја за здравствените работници од Балканот, но како функционира здравствениот систем таму покажува и случајот со докторката што доби отказ откога нејзините колеги пријавиле дека ја напуштила болницата во Хамбург 28 минути порано по 24-часовна должност, а таму работела 23 години.

Франциска Шлосер ја тужеше болницата и доби 400.000 евра отштета.

-Не можам да дозволам обвинението да стои така. Не направив ништо лошо. Сега доаѓаат и ја конструираат оваа измама со работното време. Апсурдно е, вели 54-годишната жена.

Докторката била поддржана и од Marburger Bund (MB), најголемото германско лекарско здружение.

Шефот на болницата, Филип Ветенгел, изјавил дека немаат намера да се борат против докторката.

-Рекоа дека си заминала порано. Изјавата на сведокот беше веродостојна. Но, не знам што точно се случи и сакам да завршиме со ова, рекол Ветенгел на судот во Хамбург.

Судот смета дека обвинувањата против докторката се неосновани. Сепак, по 23 години поминати во болница, деловниот однос меѓу неа и болницата заврши. Обвинението е повлечено, а Франциска Шлосер доби испратнина, пишува магазинот „Феникс“.