Ситуацијата на украинскиот фронт не е во застој

Началникот на Генералштабот на украинската армија Валериј Залужњи денеска оцени дека ситуацијата на линијата на фронтот со Русија не е во застој, истовремено одбивајќи да коментира дали Украина ќе продолжи со контраофанзивните операции во текот на зимата.

„Ова е војна, не можам да коментирам што планираме и што треба да правиме. Во спротивно, тоа би било претстава, а не војна. Сè уште е рано да се оценува (новиот метод на) регрутирање, а кога станува збор за мобилизација, треба да се зајакне и да се врати на границите во кои беше порано“, рече Залужњи.

На прашањето како замената на регионалните воени команданти влијаела на ефикасноста на мобилизацијата, врховниот командант рече дека „тие биле професионалци, знаеле како да ја завршат работата“, изјави Залужњи за „Украинска Правда“.