Порака од главната актерска екипа на „Пријатели“ по смртта на Метју Пери: Бевме семејство!

Џенифер Анистон, Кортни Кокс, Лиза Кудроу, Мет Лебланк и Дејвид Швимер му оддадоа почит на нивниот починат колега и пријател Метју Пери, кој го играше Чендлер Бинг во сите 10 сезони на „Пријатели“.

„Сите сме крајно уништени од загубата на Метју. Бевме повеќе од обични другари од актерската екипа. Ние сме семејство“, велат во соопштението Кортни Кокс, Џенифер Анистон, Лиза Кудроу, Мет Лебланк и Дејвид Швимер.

„Има толку многу што да се каже, но токму сега ќе одвоиме малку време да тагуваме и да ја обработиме оваа неразбирлива загуба“.

„Со текот на времето ќе кажеме повеќе, како и кога ќе можеме“, се вели во соопштението.
„Засега, нашите мисли и нашата љубов се со семејството на Мети, неговите пријатели и сите што го сакаа ширум светот“.