Подметати пожарите во Грција, досега уапсени 79 лица

Полицијата приведе 79 лица во Грција под сомнение дека ги подметнале пожарите кои ја пустошат земјата.

Василис Кикилијас, министерот за цивилна заштита, рече дека имало неколку обиди за подметнување пожар на планината Паринта, северозападно од Атина.

Пожарите во Грција, во кои загинаа најмалку 20 лица, беснеат веќе една недела.

„Вие правите злосторство против сопствената земја. Олоши и пиромани подметнуваат пожари кои им се закануваат на шумите, имотот и, пред сè, на човечките животи“, рече Кикилијас, цитиран од новинската агенција АФП.

Министерот за цивилна заштита истакна дека никој нема да се извлече и дека одговорните ќе бидат изведени пред лицето на правдата.