Градинката „Пчелка 2“ во Аеродром добива нова енергетски-ефикасна фасада

Реконструкцијата на оваа и останатите детски градинки е значаен чекор кон одржлива иднина. Ваквите проекти и новите паркови кои се изведуваат на неколку локации во Аеродром се наш придонес за здрава животна средина и тие ја потврдуваат нашата решеност за Аеродром да биде чиста и зелена општина, лидер во енергетска ефикасност и одржливост.

Со новите градежни зафати кои деновиве се реализираат, објектот „Пчелка 2“ кој е дел од детската градинка „Буба Мара“ добива нова енергетски-ефикасна фасада со која објектот ќе биде целосно енергетски ефикасен. Со тоа значително ќе се подобрат условите за згрижување на децата, ќе се подобри средината во која тие ќе растат и се едуцираат и ќе се заштеди електрична енергија. Финансики средства кои ќе бидат заштедени на овој начин во следниот период ќе бидат инвестирани во нови проекти наменети за дечињата во Аеродром.

Тимчо Муцунски, градоначалникот на Општина Аеродром, во својата фејсбук објава истакна дека преку рамномерни инвестиции во сите населени места и сите сфери на живеењето, Општина Аеродром ги подобрува условите за живот, раст, развој и едукација, а со инвестициите во еко-проекти се унапредува животната средина и се придонесува за креирање на одржлива средина за живеење.

Реконструкцијата на оваа и останатите детски градинки е значаен чекор кон одржлива иднина. Ваквите проекти и новите паркови кои ќе се изведуваат на неколку локации во Аеродром се наш придонес за здрава животна средина и тие ја потврдуваат нашата решителност за Аеродром да биде чиста и зелена општина, лидер во енергетска ефикасност и одржливост.