Објавена листата на намоќни пасоши во светот, по 5 години Јапонија не е повеќе на врвот. Каде се наоѓа Македонија на листата?

По пет години, Јапонија не е повеќе на ворвот на The Henley Passport Index, кој вообичаено ја мери глобалната слобода на патување кога станува збор за патување низ светот без виза, пренесува CNN.

Јапонија сега се наоѓа на третото место, а на врвот се наоѓа Сингапур, чии граѓани можат да посетат 193 држави ширум светот од вкупно 227 без виза.

Додека Азија подолго време доминира на врво на табелата на водачи во овој индекс, создаден од лондоската советодавна компанија за глобално државјанство, Европа, исто така, се враќа на врвот. Германија, Италија и Шпанија се искачија на второто место со безвизен пристап до 190 земји, додека Јапонија и Јужна Кореја им се придружија на третото место на Австрија, Финска, Франција, Луксембург и Шведска со пристап до 189 земји.

САД и Велика Британија се повторно во пад од 2014 година кога го држеа првото место. Сепак, Велика Британија забележа минимален скок на 4-та позиција на ова рангирање, додека САД паднаа на осмото место.

Кога станува збро за македонскиот пасош, македонските граѓани можат да посетат 125 земји без виза, а пасошот котира на 43-то место.

Овој индекс се базира на податоците од Меѓународната асоцијација за воздушен транспорт и рангира 199 пасоши ширум светот. Се ажурира во текот на целата година, како и доколку има измени во визната политика на некоја од земјите.

Според CNN, разликата помеѓу оние на врвот и оние на дното е поголем од било кога. За разлика од оние кои се на привилегирани позиции и кои можат да посетат околу 190 земји со визни олеснувања, авганистанските граѓани можат да посетат само 27, а веднаш до нив се Ирак со 29 и Сирија со 30.

Кристијан Килин, претседател на компанијата, вели дека Сингапур бил зафатен со обезбедување поголема слобода на патување за своите граѓани во изминатата деценија со тоа што добил безвизен пристап до 25 нови дестинации.

„ОАЕ додадоа импресивни 107 дестинации на својот резултат за безвизен режим од 2013 година. Од земјите во топ 10, САД забележаа најмало зголемување на својот резултат, обезбедувајќи само 12 дополнителни дестинации“, рече таа.

Патем, овој индекс е една од неколкуте листи што ги креираат финансиските компании за рангирање на пасошите кога станува збор за визните поволности. Со оваа проблематика се занимава и индексот на пасоши на компанијата Аротн Капитал и во него се вклучени пасошите на 193 земји членки на ОН и шесте територии на Тајван, Макао, Хонг Конг, палестинските територии и Ватикан.

Исто така, податоците се ажурираат во реално време во текот на годината, но податоците се собираат со следење на порталите на одделни влади. Тоа е алатка „за луѓето кои патуваат, за да обезбедат точни и лесно достапни информации за основните патувања“, според компанијата.

За разлика од нивните колеги, тие ги ставија Обединетите Емирати на врвот на листата со рејтинг од 180 земји во кои овие граѓани можат слободно да патуваат.

Што се однесува до второто место, тоа го држат 11 земји, од кои повеќето се во Европа: Германија, Шведска, Финска, Луксембург, Шпанија, Франција, Италија, Холандија, Австрија, Швајцарија и Јужна Кореја.

Велика Британија е на третото место веднаш до Данска, Белгија, Португалија, Норвешка, Полска, Ирска и Нов Зеланд. Меѓу нив на четврто место се САД и Јапонија.