Мицкоски: Во ред се убавите зборови од ЕУ, но нека го тргнат билатералниот спор со Бугарија од преговарачката рамка за Македонија

Претседателот на ВМРО-ДПМНЕ, Христијан Мицкоски во гостувањето во емисијата „Само интервју“ на Канал 5, истакна дека во ред се убавите зборови кои доаѓаат од политичарите од ЕУ, но ако толку навистина добро ни мислат нека го тргнат билатералниот спор со Бугарија од преговарачката рамка за Македонија.

Мицкоски за изјавата на Шолц посочи дека вакви убави зборови и шармирања гледаме веќе две децении откако почна нашиот пат кон ЕУ со потпишување на договорот за стабилизација и асоцијација или повеќе од три децении како сме независна држава, но секогаш од нас бараат отстапки.

– Секогаш во име на таа иднина ние правевме некакви отстапки и секогаш сме ние тие кои како народ, држава, политичари треба да прифатиме, да дадеме нешто во име на таа европска иднина, Тезата дека канцеларот Шолц, поентата му е дека не сака нови барања, верувам дека не сака, верувам и дека Борел не сака, но знам кој сака а тие се јавија неколку дена претходно, Јотова и Радев кои кажаа дека ова е само отворање на вратата на проблемите ,а потоа има уште многу проблеми кои се прифатени, а кои се дел од Договорот и протоколот, рее Мицкоски.

Тој изјави дека за да бидат македонските граѓани убедени во тие убави зборови од ЕУ, на следниот состанок на Европскиот Совет нека донесат нов заклучок во кој ќе тргнат од драфт работната верзија на преговарачката рамка, бидејќи уште не е презентирана, оној дел каде што стои билатералниот договор со Софија.

– Бидејќи ниту еден кандидат за земја членка во ЕУ, таков услов немал. Да останеа Копенхагеншките критериуми, чуму имаше потреба да се става и билатералниот договор, ако навистина никој нема проблем со македонскиот идентитет, јазик? Правилото во ЕУ е правило на едногласност и се додека постои имаме право да се сомневаме на добрите намери од Софија, рече Мицкоски.