По еден месец Украинското воено разузнавање потврди дека Русија го гаѓала нивниот штаб

Портпаролот на Украинското воено разузнавање (УВР) Андриј Јуров, потврди дека во руски ракетен напад кон крајот на мај бил гаѓан нивниот штаб, но дека „тој не ја постигна ниту посакуваната, ниту најавената цел“, јави ДПА

За ракетните напади врз УВР, меѓу другите, зборуваше и рускиот претседател Владимир Путин. Откако ја почна својата целосна инвазија врз Украина, на 24 февруари 2022 година, руското раководство постојано се закануваше дека ќе ги нападне „центрите за донесување одлуки во оваа земја“.

Првата информација за напад на седиштето на УВР се појави на 29 мај. Тогаш очевидци пријавија за експлозии на киевскиот остров Рибалски, во реката Дњепар.

Од Киев тогаш не дадоа официјална изјава.

Јусов сега не ги коментираше последиците од нападот, наведувајќи дека тоа ќе го направи дури по завршувањето на војната.

Одредени руски медиуми објавија дека во гранатирањето е ранет и шефот на воено-разузнавачката служба на Украина, Кирил Буданов.

По неколку недели молк, Кирил Буданов вчера повторно се појави на украинската телевизија.

Се чини дека тој не се здобил со видливи повреди, јавува ДПА.