Во галеријата на МКЦ ќе се одржи изложба на македонски музички плакати

Во рамки на четвртото издание на „Скопски Градски Фестивал“ Баги Комуникации организира изложба на македонски музички плакати која денеска со почеток во 20 часот ќе биде отворена во Галерија МКЦ, а граѓаните ќе можат да ја погледнат до 5 јуни.

Како што информираат организаторите, на изложбата ќе бидат претставени 40 плакати на македонски музичари и групи од изминатите три децении и истата е своевиден пресек и документ на македонскиот музичкиот дизајн.

Влезот на изложбата на македонски музички плакати во МКЦ е бесплатен за сите посетители.

„Скопски Градски Фестивал“ е поддржан од Министерство за култура и Комерцијална Банка.