Општина Кисела Вода ќе донира еден милион денари на ФК Вардар

Општина Кисела Вода ќе донира еден милион денари на фудбалерите на ФК Вардар пред баражот со Скопје за пласман во Првата македонска фудбалска лига, објави навивачката група „Комити“.

Вардар, како третопласиран во Втората лига, и Скопје, втор одзади во ПМФЛ по откажувањето на Ренова, ќе се судрат в недела од 17 часот на Градскиот стадион во Кавадарци, а победникот наесен ќе игра во најсилната фудбалска конкуренција во Македонија.

Дека најтрофејниот фудбалски клуб во Македонија има иднина потврдија и кадетите на Вардар, кои денеска ја декласираа Шкендија со 4:1 во Кичево и го освоија Купот на Македонија.