Терористички напад во Младеновац- момче застрела 25 луѓе, осум од нив починале

Вчера вечерта во Младеновац, Србија повторно одекнаа истрели. Како што пишуваат српските медиуми, 21-годишниот осомничен наводно отишол дома по расправија во училишниот двор и се фатил за автоматска пушка. Се наведува дека со огнено оружје во близина на населбата Младеновац убил осум лица и ранил најмалку 13. Меѓу загинатите има и полицаец, неговата сестра и 14-годишно момче. Наводниот сторител се уште е во бегство, а по него трагаат и антитерористичките единици. На терен има и 600 припадници на специјалците, полицијата блокира неколку патишта и врши увид во околните куќи. Српскиот министер за внатрешни работи нападот го опиша како „терористички чин“.

Додека толпата се собра во Белград за да се сеќава на деветте жртви на масакрот со пукање во основното училиште, недалеку одекнаа нови истрели. Вчера вечерта пукотници одекнаа и во населбата Младеновац, која е на околу 40 километри од главниот град на Србија.

Според српските медиуми, во новиот напад загинале осум лица, но велат и дека според неофицијални информации има уште повеќе жртви. На неколку локации, наводниот сторител од автомобил пукал во околу 25 лица, пукајќи во мажи, жени и деца, пренесува Телеграф.рс. Во меѓувреме, други српски медиуми јавуваат дека покрај осумте загинати, има и најмалку 13 повредени.

Мажот, наводно, отишол дома по расправија во училишниот двор и грабнал автоматска пушка, а потоа почнал со убивање. Според пишувањата на медиумите, под неговите истрели први паднале полицаец и неговата сестра, со која 21-годишникот претходно се скарал. Потоа тој наводно влегол во автомобил и од него почнал да пука во луѓе. Наводно отворил оган во неколку села, а меѓу загинатите има и 14-годишно момче, пренесува Телеграф.рс.

Според српските медиуми, тој е син на офицер на српската војска, вработен во Генералштабот во Белград.

Полицијата во Србија пред малку го приведе Урош Б.(21), кој е осомничен дека во околината на Младеновац убил 8 и повредил уште 25 лица.