Невремето во Романија завеа 29 патни правци

Поради невремето затворени се 29 национални патни правци ширум Peпублика Романија. Силниот ветер и снег го отежнаа чистењето на патиштата.

Метеоролозите предупредија дека ќе продолжи да паѓа снег, ветерот на места ќе достигне брзина од 70 километри на час, а можна е и појава на голомразица.

Поради невремето во одредени делови на Романија затворени се и училиштата, а има и прекин во снабдувањето со електрична енергија во 28 населени места во окрузите Бакау и Харгита, каде околу 30 000 луѓе се без електрична енергија.

Романската Служба за вонредни ситуации соопшти дека добила 751 повик за помош, при што биле спасени повеќе од 400 луѓе, кои биле заглавени во автомобилите на патиштата во Ботошани.