Барселона бара спонзори за да го финансираат враќањето на Меси
Барселона има зацртано цел во летниот преоден рок да го врати напаѓачот на Париз Сент Жермен (ПСЖ), Лионел Меси на „Камп Ноу“, објави новинарот Жерар Ромеро на социјалните мрежи.
Според Ромеро, каталонската страна почнала да работи на договори со големи спонзори кои би можеле да помогнат да се врати Аргентинецот во Барселона.
Актуелниот договор на напаѓачот со ПСЖ е до крајот на оваа сезона.
Претходно беше објавено дека Меси е подготвен да се врати во тимот и чека понуда од каталонскиот клуб.
Триесет и петгодишниот напаѓач играше за Барселона од 2005 до 2021 година. Како дел од каталонскиот тим одигра 778 натпревари, постигна 672 гола и оствари 303 асистенции.
Оваа сезона Меси има 32 настапи за клубот од Париз во сите натпреварувања, постигнувајќи 18 голови и 17 асистенции.
