Дипломатски скандал: Бујар Османи на Бугарија ѝ го честиташе празникот „Сан Стефанска Бугарија“
Министерот за надворешни работи на Македонија Бујар Османи, со желби за просперитит и успех го честита „3 Март“ кој е национален празник на Бугарија како ден во кој е основана Сан Стефанска Бугарија која ја опфаќа и Македонија и која имаше краток рок на траење.
„Им посакувам на луѓето во Бугарија просперитет и успех. Убедум сум дека односите меѓу двете земји можат и натаму да се засјакнат во духот на европските вредности и добрососедството“ напиша Бујар Османи на Твитер.
Во Бугарија од рано утринава се одбележува 145 годишнината од потпишувањето на мировниот договор во Сан Стефано и исцртувањето на границите на бугарска држава на огромна територија која ја опфаќала и речиси цела етничка Македонија, а кои останаа само на хартија.
„Поклонување пред споменот на оние кои го дадоа животот за Бугарија! Среќен национален празник!“ порача Румен Радев – Претседател на Бугарија
Ангел Џамбаски, еден од најголемите негатори на македонскиот народ и држава, на социјалните мрежи сподели слика од Сан Стефанска Бугарија која ја опфаќа и денешната територија на Македонија.
Претседателот на бугарската фондација „Македонија“ Виктор Стојанов упати иредентистичка порака во стилот на неговиот ментор Џамбаски.
„3-ти март е наш национален празник затоа што ги зацрта границите на бугарската земја – каде живејат Бугари: во географски подрачја: Мизија, Тракија и Македонија“ пишува Стојанов.
