Трогателна глетка во турските градови по страшниот земјотрес! (ФОТО)

По разорниот земјотрес што се случи на 6-ти февруари Турција е центарот на светот.

Бројката на жртви надмина 45.000, а жителите на погодените подрачја секојдневно ги закопуваат своите блиски на празните парцели надвор од градовите меѓу кои и голем број на деца.

На гробиштата во провинцијата Кабасакал се погребани 418 лица кои не успеаја да се спасат од под урнатините.

Видео камерите на новинската екипа IHA забележале како на некои од гробовите има фотографии за препознавање на починатите, кај други нивните блиски оставале дресови од нивните омилени клубови, додека најемотивните кадри се оние каде има детски колички или капа која ја носело момчето на својот сунет.

Како што пренесува агенцијата, гробиштата секојдневно е полна со луѓе кои не можат да ги прежалат прерано починатите членови на нивните семејства.

На гробиштата била и една млада девојка која го барала гробот на својата учителка која многу ја сакала, а животот го загубила во потресот пред две недели, но за жал не можела да го пронајде нејзиното вечно почивалиште…