Bажеше за секс симбол, денес нема да ја препознаете
Ќе ја препознаете ли ѕвездата од „Птица на жица“ и „Куќна помошничка“?
Голди Хоун е фотографирана додека шета низ дождливите улици на Њујорк, а нејзините обожаватели ги изненадиле „паткината уста“ со која е речиси непрепознатлива, пишува Дејли Мејл.
Филмската актерка и оскаровка за прошетката носеше елегантна црна јакна, тесни црни панталони и кошула со пруги врзана околу половината.
Таа за викендот отиде на Менхетен и ужива во квалитетно време со својата долгогодишна љубов Курт Расел и ќерката Кејт Хадсон.
Низ годините таа ги откриваше своите тајни за убавина, а како најважни ги истакнуваше здравата исхрана, вежбањето и едноставната рутина за нега на кожата.
– Кога се мијам, го масирам лицето околу три минути, потоа нанесувам креми за лице и одам да спијам – имаше изјавено 77-годишната актерка и објаснуваше кога ќе се разбуди наутро го повторува целиот процес.
Како поевтина и поприродна опција за крем за лице, таа користела кокосово масло некое време, а нејзината мајка знаела да цеди лимони и да користи оцет како пилинг.
– Прекрасно е да знаеш дека старееш, бидејќи тоа значи дека сè уште си на планетата, нели? – рече Хоун.
Кортни Лав во интервју за канадскиот магазин Fashion изјави дека Хоун и дала поинаков совет поврзан со пластичната хирургија.
– Те молам, не ме прашувај за грациозното стареење. Мислам, го послушав советот на Голди Хоун кога таа рече дека треба да направам фејслифтинг на 35 години, рече Лав.
